وكأني بلسان حال السيدة رقية ص. تقول


بجيت اعليك بتراب الخرايب
جابولي طشت بي راس شايب
لحيتة ودورت العين...نفسهن عند الحسين
صحت بابا وعرفني انة رقية
*******
ركض كلبي اعلة طشت الحاطينة
شلتهة الوصله منة وفتح عينة
لنه حسين هذا الجايبينة
بجيت وكتله صدرك بويه وينه

بحركتي وحلفيتة بصوت وني؟؟؟
ياهو ادفه الطشت لو هذا حضني
اذا كتلي الحضن ها...شعندك نايم هنا
محضرتلك حضن مالت سبية
**
يكلي ارقية مشتاك لحنانج
تعاي بصفي نامي وبمجانج
اريد اسأل وكليلي اعلة شانج
ليش مغطية بجفوفج اذانج

شو خليني اشوف التوجعين وين
وتكربيلي خلي يبوسهة حسين
انه حسينج حبيبج...تعاي بصف طبيبج
يبعد اذني الجرح مو بيج بية
*****
وعلي من ابتسملي شيخ النحور
على اشفافة الشريفة انفتحت فطور
كوة ابتسم خافن يخرب الدور
وانه بكليبي نار تكول تنور

يحرك راسة اعرف شنهو منواه
يريد بقوة كون اتشابك وياه
اريد ارجع بالايام...امشط شعرة وينام
مثل ماجانت تسوي الزجية
****
شلت الراس بيدي وبالخرابة
وكلهم سكتو خل ينام بابا
تذكر من كلت طولج مهابة
هسة اعرفت معناهة الطلابة

بس انه الوحيدة العذبوهة
اول طفله اطول من ابوهة

كبل شايلني بيدك...هسة انه اشيلك
ابوي شلون ماشيلة بدية
***
الولي براسة وانه بذاك وني
نسيت وطلعت من لساني يبني
جرحته وذكر عبدالله وهظمني
بجة وطلعن دميعاتة وكسرني

كعدت بزاوية وكلالي كلمة
اذا كتيلي يبني اصرخ ييمة((يتيم من صغره😭))
امي مثلج بهاي....هم تشيلني هواي
كبل كسر الظلع شالتني هية
*******
نَعّس راس ابوي بنص خواتي
كمت غطيتة بالباقي بعباتي
نام ونمت يمة ويا حلاتي
احَسّن كربت ساعة مماتي

بس غمضت اجاني وجنة كايل
اجيت بطولي هسة وياج كامل
راس براس خنموت...سوية ونكطع الصوت
شمحلاهة اذا متنة سوية
*******
ابوقسور العويدي

اللهم صل على محمد. ال محمد

ياعلي الاكبر

مصاب علي الاكبر  ص
وكأني بلسان حال الحسين ص يقول


علي يل ماخذ سنيني...رحت وين
تقبل هيج تكسر خاطر حسين
اسمعك تصرخ الحكني..اجيتك منكسر يبني
اصرخ حيل حتى اندلك منين
........
كبل لايطلع اني مسولف ويا
كتله صويحبك بكليبة خنكة
كلي تريد اطيبك بويه يحسين
كتلة انتة دواي ال دوم اشهكة
شو شفتة رجع خطوات ونوب
ركض لية شبكني شلون شبكة
واحد يعصر الثاني عصر ضيم
وكلمن بجة بمتن الاخ حركة

اضمك وين يل هديت دمعي
اطيني اكسر ضلع وختل بضلعي
احبك يل متعبني...اجيتك منكسر يبني
اصرخ حيل حتى اندلك منين
*****
عيني بعينك ومشتاكلك موت
يثالث مرة هاي يزورني البين
خوذة بخوذة صرنه وصافن اعليك
المسافة البيني وبينك اصبعين
يل مفطرة شفافك شفت الفطور
بلسانك تعدهن واحد ثنين
وخشب طك بخشب وانه اسمع الصوت
بجة وبجاني طلّع روح الحسين

وعلي غصيت كدما شد ونيني
امسح عينة هو يبوووس عيني

دخيلك لاتعذبني...اجيتك منكسر يبني
اصرخ حيل حتى اندلك منين
****
علي من تبتعد لاتلتفت دووم؟؟؟
لان شيكضها روحي وركضة اجيلك
امد ايدي عليك وانته ليغاد
وفز تجاية يابويه اعله ميلك
متعوب ويباوعله اعله متعووب
والحر والشمس وشلن حيلك
هناك وكمت اسمع وادم تكول
الا نعلعل اليفزع يشيلك

فزعت وتيهت ياصوب احضرة
اني اركض يمين وهو يسرة

علي بشيبي شيركضني..اجيتك منكسر يبني
اصرخ حيل حتى اندلك منين
********
يحسرت ريكي من الطول للطول
يعشر ارياك ماتبلع حسرتي
بجيت صياح بوية تعرف شلون
لحدما طكن  افطور الب شفتي
يكاتلني عدل ضل صوتي مبحوح
تكعد لو اسولفلك كسرتي
اكولن بوي....ة والباقي هوة يصير
البوية مكطعة طلعت صرختي

اشيل ايدك وذبها اطيح للكاع
وقنع روحي ماميت ينعناع

اكعد يل محدبني...اجيتك منكسر يبني
اصرخ بويه حتى اندلك منين
*******
علي شمسوية بيك الوادم جروح
رايح عني ياهو يضل الية
على حاجيني افتح عينك وكوم
بعد طولي يبوية رد علية
علي جان بلحيتي الشيب طفار
شفتك طلع دونم شيب بيه
علي بس اسمع الشمات شتكول
مايكدر يشيل ابنة خطية

وصدك ماشلتك بدمك اويلي
شما لم بيك توكع من شليلي

علي ناوي تموتني..اجيتك منكسر يبني
اصرخ حيل حتى اندلك منين
****
كعدت بسدك وماشوف بالعين
وكمت اتلمَسك ياعلي اتلمِس
ليش مشككات هدومك احا
ون خليني اسمعك مالك اي حس
بس سمعني اخ وروح للموت
لتخليهة سكتة وعيني هندس
كوم ولا تشمت بية سبعين
علي السبعين كامت كلهة تندس

علي خليني افشلهم سوية
واكلهم انه كل الحيل البية

اكعد كونك تحبني...اجيتك منكسر يبني
اصرخ حيل حتى اندلك منين
**********
ابو قسور العويدي

ياحسين

العاشر بعد يومين....الله يساعدك يحسين

شجاعة عبد الله الفضيع ص...يقوول

يرقية ما اصبر بعد..متلوكلي النومة بمهد
يـرقـيـة عـبـد الله انـة ماهـمـنـي الزغـر
=================
يـرقـيـة اكـلـج خاف ماعـنـدج عـلم
يـسـمـونـي عـبـدالله رداد السـهـم
فشلة شتكول الزهرة كاعد بالخيم
صيحيلي ابوي يشيـلـني بنص الزلم
وكماطي كون يحلحلة...موحـتى جن فزعت اله
وكاروكي من اطلع اريدن ينكسر
يرقية عبد الله انة ماهمني الزغر
=============
انـة عـبـدالله الـفـضـيـع الما يهاب
سهام هاي الكوم لـو هـبت ضاب
حسين لو يدعيلي اوكف مستجاب
حـتـة اراويـهم شرضعـتـني الرباب
خوية الملابس هنة ذن...اخياط بـيد ام الحسن
وارثهة من محسن واجن نفس العمر
يرقـيـة عبد الله انة مـاهـمـنـي الـزغـر
==========
خوية انه زلمة شلون سموني الطفل
انة ارد اراويهم ابن شبل الشبل
خـاف اذا عـبـاس كـفـال الـجـبـل
انــه هم كـفـال بـس كـافـلي تـل
عمي ابوفاظل من اجة. دك اعلة جـتفي وجن حجة
ولو عندي شارب جا كلت تأمر امر
يرقية عبد الله انه ماهمـنـي الزغر
&&&&&&&&&
زمـاط عـبـدالله الجـبـيـر ولـو زمـط
ويـاهـو كـال اثـار زيـنـب تـنـشـخـط
اتـوسط المـيـدان والكـطـهـم لكـط
الماي شنهو الماي اسحل يمهة شط

استاحدو عمتي بكربلة..وينة ارد اشوفن حرملة
شكد عندك سهام اني اصدن للفجر
يرقية عبد الله انه ماهمني الزغر
§§§§§§§§§§§§§
ياخوية ابشرج لايـظـل بـضـنـونـج
ادمـوع مـاريـدن تـضـل بـعـيـونـج
وعلي حـتـى اخيالي جندي يصونج
الـكـافـلـج عـبد الله ويـسـمـونـج

يرقية حزميني امن اهد..والله لكزبر كل جلد
وروحي انـتي لخيامج خواتـج تـنـتـضر
يـرقـيـة عـبـد الله انـه ماهـمـنـي الزغر
===============


خوية ارد اكـلـج حاللـيـنـي بمسألة
بالغرفة سيف حسين اني الشايلـة
كدما جرحـني السيف صارت مندلة
خـشـنات ادية هواي متحضرات الة

ياهو البعد يكرب الي... من اني اصيحن ياعلي
صح مو طويل هواي لكن لحمي مر
يـرقـيـة عـبـد الله انه ماهمني الزغـر
===========
ابو قسور العويدي @fff45

يازهراء ((يا ام الغريب))

(الرباب ص تخاطب ولدها الرضيع ص في درب السبايا) ...تقووووول....

منكدما حرگني الشوگ كل ليلة
الحليب اسود ادره بلون هل شيلة
يمه يبعد رويحتي ....يمه
يمه يبعد رويحتي.... يمه
******************
أهز چفوفي الك لمن يأذوك
ونوحن نوحت الماعدهه كاروك
يزلمت بيت ابوك انزل اناديك
اخاف حجار بخديدك يطكوك
طكوني انه حجاره .... بس عوفو هالجماره
يمه يبعد رويحتي....يمه
يمه يبعد رويحتي.... يمه
******'***********
نسوان الضعن شوف شكثرهن
اكلك انه وين وياهي منهن
انه الشايله كماط وسهم بيد
انه الحافيه الامشي بضعهن
ربع السهم ضل بيدي ... والباقي ضل بوليدي
يمه يبعد رويحتي يمه
يمه يبعد رويحتي يمه
*********************
الشمر لمن سمعني فرح وندار
يتمضحك واجاني بسوط غدار
ضربني وشتم الراس العل رماح
وهمش مني الكماط وذبه بالنار
وشال الرماد بطرفة... ذبه اعله راسي بچفه
يمه يبعد رويحتي يمه
يمه يبعد رويحتي يمه
******************
رغم ما بالجتف جم قفل مقفول
الشمر يصرخ اركضن حيل بالجول
لو تدري الجنود اشسوو هناااااك
اجونه وترسو الكيعان عاكول
ما اقصد انه اعليه.... ترفه رجله رقية
يمه يبعد رويحتي يمه
يمه يبعد رويحتي يمه
*************************
اصعب حاله سلبت راحت العين
من كال الشمر سوو الارض طين
كثرو وطشو ماي بدرب الضعون
خل نضحك على بنيات الحسين
كبال الغرب نطايح.....وزلامهم تتصايح
يمه يبعد رويحتي يمه
يمه يبعد رويحتي يمه
*************************
ابوقسور العويدي @fff45

آه يحسين ومصابه....مارحمتة السلابة

الحسين ص يروي مصابه بنفسه

*


حقيقة الراح اسولف موش بالطيف
اول مرة اسير عالرمح ضيف😭😭
مدري شلون راح احجي
اليحبني شلون مايبجي
ابو رقية انولة بسبعين الف سيف😭😭
*********************
خانكني الرمل هيج الرمل حار😭😭😭
وعلي هدومي جوتني بذاك المصاب
ممطول اعلة طولي وتايه الشوف
وحس واحد يجرني وطلع سلاب😭
يسلب بية واني مفرهد الحيل😭😭
كوة اشتم هوة الله والكلب ذاب
يبست ريتي صارت مثل الحجار
بحيث اشهك تراب ويطلع تراب..((ااخ))😭😭

****
*
**
****

مجلس عزاء محمد وال محمد
صلى الله على محمد وال محمد


فاطمه وزينب سوه...سولفن عن نينوه
شهكن اثنيناتهن شهكت ونين
يمكن مسويات مجلس للحسين
..........
فرشن المنبر سوه وزينب تگول
ارد اسألج يمه يحبيبه البتول
شنهو رايچ يمه لو يقره الرسول
صوته حيل حَنيّن وكلش خجول
وامي گالت هذا اجه..ومن گلتله شگد بچه
هو صوته صوت رب العالمين
يمكن مسويات مجلس للحسين
...........
طه صاعد منبره وگاعد حزين
وگال بسم الله الرحمن الحنين
قبل لا اقره النعي عن الحسين
خلي نقره الفاتحه لام البنين
أتحب حسين مولعه...اكثر امن الاربعه
واحنه هم نحبچ ومتولعين
........
حضرو اهل البيت من كل مكان
علي واولاده وبناته هناكه چان
طه يقره يگول يا اهل الحنان
القصيده من نظم مهدي الزمان
كلهه گالت عالشعر..عاشت ايد المنتظر
هو اول من كتب عل جازعين
...........
النبي يقره المصيبه وظل يصيح
عالتراب حسينكم مرمي ذبيح
مسلب ابلايه هدم والدم يسيح
والخيول العشره داست بالضريح
بل عزه تشم الدمه...اظن لطمت فاطمه
لطمت وطاحو ولدهه الحاضرين
.......
طه گال الاصعب بهذا الامر
الحوافر داست بجرحه شكثر
فاطمه بنيتي اسولف واعتذر
حسين ماعنده عظم ظل بالصدر
وايده گطعوهه الكفر...حته ميصد المهر
ظل يرافس بالرجل يرفعهه وين
............
طه سولف حادثت حرگ العباه
وشفت واحد يصرخ بحرگه وراه
مستحي ويصرخ يزينب خويه آه
مشگگه الجربه الاشوفنهه بگفاه
ابلا يمين ولايسار..براسه يلطم بالجدار
شلون يلطم كافلج ماعنده ادين
.........
طه سولف عالسياط وعل سطر
ومرا صاحت اخ اظنهه ام الخدر
كلهه گالت جدي لتكمل الشعر(ليش)
علي ذب عمامتة وصاح الصبر
علي يلطم عل عيون...فل يضج الضاجون
وطبرو كلهم وصاحو ياحسين

ابو قسور العويدي @fff45

شكد شايف بعيونك....مافزعولك بس سبعين

الانصار


سولفنه اشصار...ياعمدت الانصار
ياحبيب ابن مضاهر سولفنه جنون
ليتنا كنا معاكم وي زهير وجون
............
اذن اذان الشجاعه وشالو اطراف العلم
اتلثمو نفس الچفافي وترسو الحومه زلم
من تهب اسهام اميه ركضه نركض عالسهم
واحد يصده بعيونه حتى ميحس بألم

اليصد بعينه نبله وتجري دم يا ناس
يكبر بعين الزچيه قصدي انه العباس
،،،،،،،،،،،، ,،،،
لو رماح هواي اجتنه نوگف نسوي درع
نوگف اگبال الخيام وكل صبع شابگ صبع
من تشد اعلينه نصرخ كلنه نهتف بالوضع
هسه خل نواسي فاطم خل نكسر چم ظلع

بالطفوف مريه حضرت لمت الاشلاء
تلملم ادموع وتناشغ يمكن الزهررررراء
****
احله موقف صادفاني وانه اشتم الهوه
من طلع عابس ينادي انه جنني الضوه
شابگ حسين ويگله يادوه يبن الدوه
كلنه بچانه وترخص للحرب هد ونوه

شگگ الصايه وينادي خلهم يشمتون
انه عباس ابتسملي وگلي يا مجنون
&&&&&&&&&&&&&&&
خل اسولفلك مواقف وانتبهلي يافطن
عدنه واحد زلمه يجرح بالحرب كلش خشن
اسمه جون ولونه اسود يمكن تعرفه اظن
اسود ونيته الشريفه حته اصفه امنل گطن

شايل ابصدره حلاوه اتصفن التفاح
بحضن الحسين واشمن عطره لمن فاح
@@@@@@@@@@@@@@
سولفتلك عن مواقف بالطفوف وما جره
احنه ويه زود الهواشم مانصل حد اشعره
جاسم يطگ طگ ابو وباشط محزم تره
وعنده جيش بحاله جاهز اسمه سبع الگنطره

لو علي الاكبر يصول بمهرته ويطوف
تلگه تل امنل الحديد مكسرلها سيوف
@@@@@@@@#######
ابو قسور العويدي @fff45

كلها ثكال
مشيت حور لكن عايزات عكال
يل عكرب سوادك مثل كلب ابليس
تجلد بالضوة...هو الضوة شضال
ابو قسور العويدي @fff45

قبل خلق الاكوان ..الله سبحانه وتعالى سأل الانصار فقال..جل جلاله وشأنه العظيم


انا العلي الاعلى...في البرهة الاولى
سألت انصار الحسين الاطيب
فرددو نحن عبيد زينب
**
من قبل ان اخلق الخلق في الاولين
خاطبت ارواحكم قبل ماءٍ وطين
اني انا اللهُ العليُ احبُ الحسين
هل من مناصر يقوم برفع اليدين؟؟

من ينصر الغريب..في الموقف الرهيب
سبعونَ روحا صرخت عند الرب
فرددو نحن عبيد زينب
*****
اهتز سكانَ السماءِ وحلَ البكاء
سبعونَ روحا وجدتُ قلوبا سواء
فيهم شيوخٌ شباب وسرب النساء
احدهم جُنَّ حبا وشقَ الرداء

من شدة الاحساس..قد وقف العباس
• والكل صارو سجدا في المنقب
فرددو نحن عبيد زينب
***
جاءَ النصيرُ القريب كبيرُ الخدم
شيخ كبير كهولٌ عشيقُ القيم
حتى حسينٌ حبيبي يناديه عم
اسماه اسماً عجيبا حبيبُ الخيم

فعانق الحسين...وقَبَّلَ اليدين
لما رأو فعل الكهول الاشيب
فرددو نحن عبيد زينب
***
اخترتُ الوان انصارهِ في الخفا
فلون جونِ يكون كخيط العبا
اما زهير فمن دلت المجتبى
ومسلم وبرير كلون الرحى

لون وهب انفس..كأنه المحبس
فكلهم من هاشم تسبب
فرددو نحن عبيد زينب
***
احتار في رأيهِ لم يستقرْ في مقر
اما حسينا يناصر والا كفر
حتى رأه الكفيل وصار القدر
للحر تكفي اشارة بعين القمر

من اصبع الحنان..قد شاهد الجنان
فصار حرا وهو الملقب
فرددو نحن عبيد زينب
***
ها قد كملتم رجالا تفوق الثرى
لكنكم لا ترونَ انا ما ارى
كلُ جلالي وعزمي وقدري انا
اعطيتهُ كّله لصاحب القنطرا

عباسكم يدري...بزينبِ خدري
انتم كذرات له في الكوكب
فرددو نحن عبيد زينب
******
ابو قسور العويدي @fff45

وين شارد...؟؟؟؟؟
الجواب..
كلشي شفته
كلشي بين اثنين عشتة بهل طفوف
ذبحو المابين عشك الله وجربتة
وباكو الترجية من صفاح بته
واخ يابويه لمن شفناهة تركض
هايمة اختة..
اني ماشارد لحالي
اني ادور لاهلي حل...
اني ادورلي اعلة سيف الغيرة كتلتني كتل
@fff45

الرادود ابو الفضل العباس
صلوات الله عليه


هذا مو طف مستحيل.....هذا مجلس بس ثكيل
ادخيل اسمك يبو فاضل يل كفيل
.................................
صاح بيهم ابو فاضل يا جيوش ابنَ سعد
انتو بسلا ذولة كلكم اني اريد ازيد بعد
اني احب مجلس ثكيل وكون بي اكثر عدد
اليوم راح اقرة قصيدة قل هو الكافل احد
المستهل بي فتحتين....بسيف امير المؤمنين
ادخيل اسمك يبو فاضل يل كفيل
........................................
غيرو اسمكم يا امية ما احاربكم ترة
هذا اسم نسوان هذا وانة ماقاتل مرا
ها يملك الموت اصعد روح قابل حيدرة
كلة سبعين الف فارس راح ادزهم بالسرة
والملك كال اجمعين ؟؟.....كلة اي وام البنين
ادخيل اسمك يبو فاظل يل كفيل
..........................................
فات رادود الثنية وشال سيف المعجزة
وجيشهم خايف اشوفة والعيون مغامزة
جابهم يم الشريعة لمهم وصارة الوزة
يمكن العباس ناوي يقرة بس لمة عزة
وصاحو المجلس شديد....ابروح زينب لا تعيد
ادخيل اسمك يبو فاضل يل كفيل
................................
كال جاسم ها يعمي رايد ادخل للحرب
عندي بس بيتين اقرة ابوذية من اطب
الا ادكهم كهوة بيدي وانة ابن شيخ العرب
مارضة العباس كلة ارجع بنفس الدرب...(ليش)
اني حالف ماتجيس....عمي عرسك هالخميس
ادخيل اسمك يبو فاضل يل كفيل
*****
قرة نزلة شلون نزلة وجيشهم ماخلة بي
ونزل جبرائيل بالطف صاح ها يبن النبي
كلة اوكف يبو فاضل اني وداني العلي(شكلة الله)
لا فتى الا اخو زينب لا ستر الا العبي
والسيف يصرخ هالصوت....مساكم الله بالموت
ادخيل اسمك يبو فاضل يل كفيل.
.....................................
ابو قسور العويدي @fff45

ياحسين